Ardagerlerge áleýmettik kómek berý saıasatyn jetildirý qajet - «Nur Otan» partııasy

ASTANA. 24 qazan. QazAqparat - Búgin Astana ákimdiginde «Nur Otan» partııasy janyndaǵy ardagerler men áskerı qyzmetkerlerdi áleýmettik qorǵaý máseleleri jónindegi saraptamalyq toptyń otyrysy ótti.

Otyrys barysynda Ortalyq ardagerler keńesiniń tóraǵasy, depýtat Qaıyrbek Súleımenov atap kórsetkendeı, búginde egde jastaǵy azamattardyń jaǵdaıy tómen, al alatyn zeınetaqy kólemi tym az. «Ol, ásirese, aýyldy jerlerde barynsha baıqalady. Ardagerlerge áleýmettik kómek berý saıasatyn da áli de damytý qajet. Biz osy saladaǵy zańnamany jetildirýimiz qajet», - deıdi Q.Súleımenov.

Otyrys barysynda hattamalyq sheshim maquldanyp, «Ardagerler týraly» zań jobasyn qabyldaý depýtattyq korpýstyń negizgi mindeti retinde belgilendi. Sondaı-aq qarııalardyń ómir súrý deńgeıin kóterip, densaýlyǵyn jaqsartý boıynsha tıisti is-sharalardy qolǵa alý máselesi kóterildi.