Ardagerlerdiń jas urpaq tárbıesinde bereri mol - T. Ábdirahmanov
«Bıyl erekshe jyl, ıaǵnı Uly Jeńistiń 70 jyldyǵy atalyp ótedi. Bul data biz úshin aıryqsha mańyzdy. Óıtkeni, Jeńis kúnine jete almaǵan qanshama jaýynger opat boldy. Sondyqtan, 70 jyldyq aıasynda uıymdastyrylatyn sharalardan qalmaýǵa tyrysamyn»,-dedi qart maıdanger.
Sonymen qatar, ardager taıaýda astanalyq qart maıdangerler QR Prezıdentiniń atynan ataýly quttyqtaý jáne syılyqtar jıyntyǵyn alǵanyn aıta kele, osy oraıda elorda ákimi arnaıy kelip quttyqtaǵanyn jetkiz. «Elimizde ardagerlerge qamqorlyq jasalyp jatyr. Bul turǵyda Prezıdentke alǵysymdy jetkizgim keledi. Tek, eshqashan soǵys bolmasyn jáne jastarǵa osy soǵys jaıynda kóbirek aıtyp, túsindirý kerek. Jastar tárbıesinde qart maıdangerderdiń úlesi mańyzdy. Sondyqtan da, bizder árqashan jastarǵa beıbitshiliktiń shynaıy qundylyqty jetkizip, óz aqylymyzben bóliskimiz kelip turady. Bizdi árdaıym eske alyp júredi, sondaı-aq bolashaqta da ardagerlerge osyndaı kóńil bólip júrse degen tilegimdi jetkizgim keledi»,-dedi Tezekpaı Ábdirahmanov. Bıyl - Uly Jeńiske 70 jyl. Sonymen qatar, TMD boıynsha 2015 jyl Ardagerler jyly bolyp bekitildi. Osy oraıda Memleket basshysy Nursultan Nazarbaevtyń bastamasymen elimizde Uly Otan soǵysy ardagerlerine qurmet kórsetildi.