Ardagerlerdiń jańa sanatyna engenderge qandaı járdemaqy beriledi
«Ardagerlerdiń jańa sanattaryna engen azamattarǵa aı saıyn 4,8 AEK kóleminde, ıaǵnı 13 435 teńgelik arnaıy memlekettik járdemaqy taǵaıyndaý usynylyp otyr. Sonymen qatar olarǵa buryn kórsetilip kelgen jeńildikter men kepildikter kúshinde qalady», - dedi ol.
Eske sala ketsek osydan bir aı buryn Parlament Senatynyń jalpy otyrysynda «Ardagerler týraly» Zańy qabyldanǵan bolatyn. Zań jobasynyń negizgi maqsaty – ardagerlerdi áleýmettik qorǵaýǵa baılanysty qoǵamdyq qatynastardy retteıtin zańnamalyq aktilerdi júıeleý, qaıta qaraý jáne ardagerlerdiń jańa sanattaryn qalyptastyrý.
«Birinshisi – ol UOS ardagerleri. Bul sanatqa soǵysqa qatysýshylar jáne UOS múgedekteri jatady. Ekinshisi basqa memleketterdiń aýmaǵynda urys qımyldarynyń ardagerlerine qatysty. Zań jobasyna sáıkes, olarǵa Aýǵanstandaǵy urys qımyldaryna qatysqan áskerı qyzmetshiler, sondaı-aq 1992 jyldan 2001 jylǵa deıingi kezeńde tájik-aýǵan ýchaskesinde TMD-nyń syrtqy shekaralarynyń syrtqy qorǵanysyn kúsheıtýge qatysqan, 1968 jyly Chehoslovakııadaǵy janjaldy retteýge, Taýly Qarabahtaǵy etnosaralyq janjaldy sheshýge, Iraktaǵy bitimgershilik operatsııalaryna qatysqan ulttyq kontıngenke kiretin azamattar sanaty jatady», - dedi QR Eńbek jáne halyqty áleýmettik qorǵaý mınıstri Birjan Nurymbetov.