Ardagerlerdiń úılerinde «dabyl túımesi» ornatylatyn bolady
«Bizdiń qorǵa kiretin kompanııalar jergilikti jerlerde, barlyq qalalarda kezdesý ótkizip jatyr. Olardy marapattap, qurmetteýde. Biz búgin Ardagerler uıymynyń basshylyǵymen kezdesý ótkizip, bıyl jáne aldaǵy jyldary atqarylatyn naqty sharalardy belgiledik. Aıta ketsek, ardagerler keńesimen birlese, búkil ardagerlerdiń jalpy jaǵdaıyn anyqtaý úshin taldaý jumystary jasalady. Sonymen birge Ardagerler keńesiniń usynysymen árbir ardagerdiń úıinde «dabyl túımesin» ornatý kózdelip otyr», - dep atap ótti ol.
Onyń aıtýynsha, atalmysh «dabyl túımesi» qaýyrt jaǵdaıda jedel medıtsınalyq qyzmetti nemese áleýmettik qyzmet ókilderin shaqyrtý úshin qoldanylatyn bolady. Qazirgi ýaqytta qajetti qarajatty bólý máselesi qaralýda.
Búgin «Samuryq-Qazyna» AQ ortalyq keńesinde osyǵan oraı, Basqarma tóraǵasy Ómirzaq Shókeevtiń qatysýymen Qor basshylyǵynyń «Ardagerler uıymy» respýblıkalyq qoǵamdyq birlestiginiń belsendilerimen kezdesýi ótti. Is-sharaǵa Qazaqstan vıtse-premeri Gúlshara Ábdihalyqova qatysty.