«Ardagerler uıymy» RQB Ortalyq keńesiniń jańa tóraǵasy saılandy
Bul qyzmetke Ómirserik Ozǵanbaev keldi.
Ortalyq keńestiń kezekti plenýmyna qatysqan QR Prezıdenti Ákimshiligi ishki saıasat bóliminiń meńgerýshisi Japsarbaı Qýanyshev: «Qazaqstan Respýblıkasynyń ardagerler uıymy memlekettik-áleýmettik qatynastar salasyndaǵy mańyzdy áriptes bolyp qala beredi. Ardagerler QR Prezıdenti, Elbasy Nursultan Ábishuly Nazarbaevtyń baǵytyn qoldaýshy, Otanymyzǵa janymen berilgen patrıot azamattar», - dep atap ótti.
Sonymen qatar ol, buǵan deıin Ortalyq keńestiń tóraǵasy bolǵan Qaıyrbek Súleımenovtyń óz erkimen qyzmetinen ketýge ótinish bergenin aıta kele, bul laýazymǵa Ómirserik Ozǵanbaevtyń kandıdatýrasyn usyndy. Plenýǵa qatysýshylar onyń kandıdatýrasyn qoldap, biraýyzdan daýys berdi.
Ómirserik Ozǵanbaev ár jyldary joǵary jáne orta bilim berý salasynda basshylyq qyzmette bolǵan. QR Joǵarǵy Keńesiniń, QR Parlamenti Senatynyń depýtaty bolyp saılanǵan. Mańǵystaý oblysy ákimi janyndaǵy ardagerler uıymyna basshylyq jasaǵan.