Ardagerler týraly zańnyń qabyldanýy sımvoldyq mánge ıe - depýtat

NUR-SULTAN. QazAqparat – Májilis depýtaty, Qazaqstan Respýblıkasy «Ardagerler uıymy» respýblıkalyq qoǵamdyq birlestiginiń ortalyq qeńesiniń tóraǵasy Baqtyqoja Іzmuhambetov Memleket basshysy qol qoıǵan «Ardagerler týraly» Zańǵa qatysty pikir aıtty, dep habarlaıdy QazAqparat tilshisi.

«Bul zań Jeńistiń 75 jyldyǵy qarsańynda qabyldanýy sımvoldyq mánge ıe. Bul qujat ardagerler sanatyna engen adamdar úshin kepildikter men jeńildikterdi qamtydy. Osy oraıda buǵan deıin túrli zańdarda qarastyrylǵan kepildikter men jeńildikterdiń barlyǵy shoǵyrlandy», - dedi B. Іzmuhambetov .

Sonymen qatar ol osy baǵytta zańnamany ary qaraı jetildirý boıynsha jumystar jalǵasyn tabatynyn atap ótti.

«Bul zańmen osyǵan deıin qarastyrylmaǵan jeńildikter men járdemaqylar túrli sanattar úshin eskerildi», - dedi depýtat.

Sonymen qatar ol zań Úkimet múmkindikterin eskere otyryp qabyldanǵanyn atap ótti.

Osyndaı zańnamany qabyldaý burynnan qarastyrylǵanyna toqtalǵan B. Іzmuhambetov : «Zań barlyq tıisti ınstantsııalardan ótip, oǵan Prezıdent qol qoıdy. Osy mańyzdy qujattyń qabyldanýymen barsha ardagerlerdi quttyqtaımyn!», - dedi.

Budan buryn habarlanǵandaı, 30 sáýir kúni Parlament Senatynyń jalpy otyrysynda «Ardagerler týraly» Zańy qabyldandy.

Zań jobasynyń negizgi maqsaty – ardagerlerdi áleýmettik qorǵaýǵa baılanysty qoǵamdyq qatynastardy retteıtin zańnamalyq aktilerdi júıeleý, qaıta qaraý jáne ardagerlerdiń jańa sanattaryn qalyptastyrý.

Sonymen qatar, jalpy otyrysta «Qazaqstan Respýblıkasynyń keıbir zańnamalyq aktilerine áleýmettik qamsyzdandyrý máseleleri boıynsha ózgerister men tolyqtyrýlar engizý týraly» ilespe Zań eki oqylymda qaralyp, qabyldandy.

Ony ázirleý qajettiligi birqatar zańnamalyq aktilerdi «Ardagerler týraly» zań jobasyna sáıkes keltirýmen baılanysty. Negizgi jańa ózgerister áleýmettik tólemderge qatysty bolyp otyr.