«Ardager» QB tóraıymy: ÚEU-lar Prezıdent bastamalaryn qoldaıdy jáne ony júzege asyrýǵa kómektesedi

ASTANA. QazAqparat - Úkimettik emes uıymdar QR Prezıdenti bastamalaryn qoldaıdy jáne ony júzege asyrýǵa kómektesedi. Búgin Astana qalasynyń baspasóz ortalyǵynda ótken brıfıngte «Ardagerler» qoǵamdyq birlestiginiń tóraıymy Baıan Ahmetjanova osylaı dedi.

«Búgingi tańda elimizdiń Prezıdenti kótergen barlyq bastamalar qýatty ári jańa. Bizdiń elimiz qabyldap jatqan zańdar da adamdarǵa baǵyttalǵan. Degenmen, tek Prezıdenttiń bastamalary men zańdar ǵana emes olardy adamdardyń basshylyqqa ala otyryp, shyn nıetimen tyńǵylyqty oryndaýy da barynsha mańyzdy. Biz parlamentshilerdiń bıýdjet qarjysyn únemdeý úshin Májilis pen máslıhat saılaýyn birge ótkizý bastamalaryn tolyqtaı qoldaımyz. Sonymen qatar men áriptesterimizdiń bul saılaýlarda úkimettik emes uıymdardyń da belsendilik tanytýy tıis degen sózderine tolyqtaı qosylamyn. Shet elderdiń parlamentterinde depýtattardyń basym bóligi úshinshi sektor kandıdattarynan jasaqtalady. Óıtkeni, olar adamdarmen tikeleı jumys isteıdi. Biz bul bastamalardyń barlyǵyna da qoldaý kórsetemiz jáne olardy júzege asyrýǵa járdemdesetin bolamyz», - dedi B.Ahmetjanova.