ArcelorMittal aktsııalarynyń baǵasy arzandap jatyr

<p>Amsterdam qor bırjasynda ArcelorMittal aktsııalarynyń quny tómendedi, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>.</p>

Atap aıtsaq, kompanııanyń bir aktsııasynyń baǵasy 5,5% - 21,07 eýrodan 19,9 evroǵa deıin arzandady.

Qundy qaǵazdar qunynyń álsireýi Kostenko atyndaǵy shahtada jarylystyń oryn alýynan jáne «ArselorMıttal Temirtaý» AQ aktıvin Qazaqstan menshigine qaıtarý týraly aqparattan keıin bastaldy.

Eske salaıyq, 28 qazan kúni túngi saǵat 02.33-te Qaraǵandy oblysyndaǵy Kostenko atyndaǵy shahtada órt tutanyp, artynan jarylys boldy. Jer astynda jumys istep jatqan 252 kenshiniń 206-sy óz betimen joǵary shyqty.

Sońǵy málimet boıynsha 45 kenshiniń denesi tabyldy, bireýi izdestirilp jatyr.

Aýrýhanalarǵa 28 adam jetkizildi.

«ArselorMıttal Temirtaý» AQ-ǵa tıesili 8 shahtanyń jumysy ýaqytsha toqtatyldy.

29 qazan elimizde Jalpyulttyq aza tutý kúni bolyp jarııalandy.

Qaraǵandy óńirine barǵan Memleket basshysy Úkimetke «ArselorMıttalTemirtaý» kompanııasymen ınvestıtsııalyq yntymaqtastyqty toqtatý týraly tapsyrma berdi. Keıin Úkimettiń baspasóz qyzmeti «ArselorMıttal Temirtaý» AQ-nyń menshik quqyǵyn QR menshigine qaıtarý týraly kelisimsharttyń aıaqtalýǵa jaqyn ekenin málim etti.

QR Úkimeti apattan qaza tapqandardyń otbasylaryna qandaı kómek kórsetiletinin jarııalady.