Árbir úshinshi aıyppul jolda jyldamdyqty asyrǵany úshin salynǵan - Bas prokýratýra

<p>ASTANA. KAZINFORM &ndash; QR Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń málimetinshe, 2023 jyly 10,9 mıllıonnan astam ákimshilik aıyppul tirkelgen.</p>

«Munyń ishinde ákimshilik quqyq buzýshylyqtyń 21 paıyzyn áıelder jasaǵan. Esepti kezeńde óndirilgen aıyppuldardyń jalpy somasy - 146 mlrd teńge. Aıyppuldyń kóbi jol qozǵalysy erejelerin saqtamaý túrindegi quqyq buzýshylyqtarǵa qatysty tirkelgen. Al, árbir úshinshi aıyppul (barlyq aıyppuldardyń 39%-y) júrgizýshilerdiń belgilengen jyldamdyqty asyrǵany úshin (Ákimshilik kodekstiń 592-baby) salynǵan», — delingen málimette.

Sondaı-aq jol belgilerine baǵynbaý nemese jolda belgilengen talaptardy saqtamaý jıi kezdesedi (Ákimshilik kodekstiń 601-baby). Sońǵy bir jylda mundaı quqyq buzýshylyqtar 1,9 mıllıonnan astam ret (18%) tirkelgen.

Aıta keteıik, buǵan deıin Petropavlda jol erejesin buzǵan 200 astam jaıaý júrginshi jaýapqa tartylǵanyn jazǵanbyz.

Bıyl Pavlodar oblysyndaǵy avtobýs júrgizýshileri jol erejesin 300 márte buzǵan.