Árbir oblys ortalyǵynda ústel tennısi zaldary bolýy kerek – Qasym-Jomart Toqaev
17:31, 15 Jeltoqsan 2023
<p>Elorda nysandaryn aralaý barysynda Qasym-Jomart Toqaev ADD Table Tennis Center Astana ústel tennısi ortalyǵynyń jumysymen tanysty, dep habarlaıdy <a href="https://kaz.inform.kz/" target="_blank" rel="noopener">Kazinform</a> Aqordanyń baspasóz qyzmetine silteme jasap. </p>
Memleket basshysyna atalǵan ortalyqtyń Halyqaralyq ústel tennısi federatsııasynyń (ITTF) talaptaryna tolyq saı keletini jóninde málimet berildi. Sport nysanynda respýblıkalyq jáne halyqaralyq týrnırler ótkizýge, sondaı-aq elimizdiń ulttyq quramasynyń oqý-jattyǵý jıyndaryn uıymdastyrýǵa bolady.
Jalpy aýdany 3700 sharshy metrdi quraıtyn ortalyq jarys kezinde 16, al jattyǵý kezinde 26 tennıs ústelin qoıýǵa eseptelgen.
Sonymen qatar munda 416 adamǵa arnalǵan kórermender trıbýnasy, jattyǵý zaly, medıtsına kabıneti, bapkerler men tóreshiler bólmesi bar.
«Árbir oblys ortalyǵynda ústel tennısine arnalǵan zaldar bolýy kerek. Halyq sportpen shuǵyldanýy qajet», – dedi Prezıdent.
Foto: Aqordanyń baspasóz qyzmeti