Árbir besinshi bala artyq salmaqtan zardap shegedi – Aqmaral Álnazarova

<p>ASTANA. KAZINFORM &ndash; Qazaqstanda balalar arasyndaǵy semizdik 6%-ǵa artqan. Bul týraly Densaýlyq saqtaý mınıstri Aqmaral Álnazarova málim etti.&nbsp;</p>

«Búginde árbir besinshi bala artyq salmaqtan zardap shegedi, balalar arasyndaǵy semizdik sońǵy málimetter boıynsha 6 paıyzǵa jetedi. Bul kórsetkish jyl sanap ósip keledi, ásirese er adamdar arasynda. Balalar arasyndaǵy semizdik, ol ósken saıyn qant dıabetine, qan aınalymy júıesiniń aýrýlaryna alyp keledi», - dedi Aqmaral Álnazarova vedomstvonyń keńeıtilgen alqa otyrysynda.

Mınıstr mysal retinde temeki shegý men qant qosylǵan sýsyndardyń zııanyn keltirdi.

«Temekige qatysty normalardy zańnamada durys jazdyq jáne ol oryndalyp jatyr. Temeki ónimderine baǵany kóteremiz. Sol sııaqty qant qosylǵan sýsyndardy tutyný problemasy da bar jáne bul sala baqylaýsyz. Sebebi bul jalpy tutynýǵa jatady, munyń bári densaýlyqqa keri áser etedi. Bul baǵytta biraz jumys atqarýymyz kerek. Ókinishke qaraı, ótken jyly árbir besinshi adam qan aınalymy júıesiniń aýrýynan qaıtys bolǵan. Odan bólek, qant dıabetine shaldyǵý birneshe ese ósýde. Onyń arty erte ólim-jitim, múgedektik saldaryna alyp keledi. Sondyqtan qoǵamdyq densaýlyq saqtaý máselesi asa mańyzdy», - deıdi ol.