Árbir adamnyń daýysy mańyzdy — opera ánshisi Maıra Muhamedqyzy

<p>ShYMKENT. KAZINFORM &mdash; Shymkenttikter referendýmǵa belsendi qatysyp jatyr. Ásirese, jastar jaǵy qarqyndy túrde úles qosyp otyr.&nbsp;</p>

№ 11 saılaý ýchaskesinde daýys berýshiler opera ánshisi Maıra Muhamedqyzynyń ánin tyńdady. Óz tańdaýyn jasap daýys bergen opera ánshisi kópshilikke Abaıdyń «Kózimniń qarasy» ánin oryndap berdi.

«Qazaqstandyqtar el bolashaǵy úshin mańyzy bar tańdaý jasap jatyr. Árbir adamnyń daýysy mańyzdy, sondyqtan ár turǵyn óz tańdaýyn jasaýy kerek» - dedi ol.

Al, «Arbat» demalys aımaǵyna jınalǵan jastar, kók týdy maqtanyshpen kókke kóterip júrdi. Bul kórinis qala turǵyndaryna erekshe kóńil kúı syılady. 

«Qala jastary referendýmǵa kelip óz tańdaýymyzdy jasap jatyrmyz. Tek tańdaý jasap qana qoımaı, aktsııalarǵa qatysýdamyz. Óıtkeni, qala turǵyndary, keıingi býyn ókilderine biz úlgimiz. Jastar únemi qozǵalysta. Damý ústinde. Búgingi referendým, bolashaqqa jasalǵan eń durys sheshimniń biri dep bilemin, - deıdi shymkenttik jas Tolǵanaı Ádilhan. 

Jalpy, Shymkent qalasynda referendýmǵa kelgen azamattardyń kóńil-kúıin kóterip, belsendiligin arttyrý maqsatynda túrli mádenı jáne sporttyq is-sharalar uıymdastyrylyp jatyr. Atap aıtqanda, qaladaǵy birqatar referendým ýchaskelerinde turǵyndar arasynda ártúrli ulttyq oıyndar men sport túrlerinen saıystar ótip jatyr.