Árbir jetinshi jol-kólik oqıǵasy adam ólimimen aıaqtalady - QR Bas prokýratýrasy
15:13, 10 Maýsym 2014
ASTANA. QazAqparat - Ótken jyly jol-kólik oqıǵalarynan bes myńnan astam bala jaraqat aldy. Bul týraly búgin QR Bas prokýratýrasynda Zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi Úılestirý keńesiniń jınalysynda málim boldy.
Taratylǵan málimetterge qaraǵanda, júrgizilgen taldaýdyń nátıjesinde joldardaǵy apattylyq jaǵdaıy saldarynan adam shyǵynynyń sany azaımaǵandyǵy anyqtaldy.
«Statıstıkalyq málimetterdiń dınamıkasy jol-kólik oqıǵalarynyń ósimin baıqatady. Máselen, 2013 jyly olardyń sany 65 paıyzǵa artyp, 23 myńnan asyp túsken. Apattardyń saldarynan úsh myńnan astam adam qaza bolǵan, onyń 273-i balalar. Bes myńnan astam balany qosa alǵanda, 33 myńǵa jýyq adam jaraqat pen zaqym alǵan», - delingen Bas prokýratýranyń málimetinde.