Árbir partııa básekelestik ustanymynda jeńiske jetýi kerek - senator
«Kóptegen elde osyndaı eki palata bar, bizge de damyǵan elderdiń baǵytymen júrý kerek. Osyǵan deıin Májiliske partııalyq tizimmen keldi. Memleket basshysy partııadaǵy múshelikten shyǵatynyn aıtyp, ony zań júzinde bekitý usynyldy. AMANAT partııasy basqa partııalar sııaqty tek básekelestikte bolady. Osy oraıda Parlament quramy men saılaý máselesi basqasha bolady», - dedi A. Kúrishbaev tilshiler saýalyna jaýap bere otyryp.
Budan buryn habarlanǵandaı, partııalardy tirkeý resimi edáýir jeńildeıdi .
Memleket basshysy tirkeý shegin 4 esege – 20 myńnan 5 myń adamǵa azaıtqan jón bolatynyn aıtty. Óńirlerdegi ókilder sany 600-den 200 adamǵa tómendetiledi. Partııa qurý úshin azamattardyń bastamashyl tobynyń eń tómengi sany úshten birge, ıaǵnı 1000-nan 700 adamǵa azaıady.
Aıta keteıik, Memleket basshysy Qasym-Jomart Toqaev bıylǵy Joldaýynda Prezıdenttiń Senattaǵy kvotasyn 15-ten 10 depýtatqa deıin azaıtý týraly sheshim qabyldaǵanyn jarııalady. Onyń beseýin Qazaqstan halqy Assambleıasy qazirgideı saılamaıdy, tek usynatyn bolady .
Qazaqstan halqy Assambleıasynyń Májilistegi kvotasy joıylmaq. «Meniń oıymsha, bul – saıası jaǵynan da, zańdyq turǵydan da durys qadam. Bul kvota Senatqa aýysady jáne 9-dan 5 depýtatqa deıin kemıdi», - dedi Prezıdent.
Budan bólek, Memleket basshysy Senatqa Májilis qabyldaǵan zańdardy tek maquldaý nemese maquldamaý quqyǵyn beretin norma engizgen durys dep sanaıtynyn aıtty.
«Soǵan sáıkes, zań qabyldaý quqyǵy Májiliske ǵana tıesili bolady. Al, Senattyń ókilettigin Konstıtýtsııalyq keńes pen Joǵary sot keńesiniń tóraǵasy laýazymyna usynylatyn kandıdattarǵa kelisim berý quqyǵymen tolyqtyrǵan jón. Bul ózgeris saıası júıedegi tepe-teńdik jáne tejemelik mehanızmderin eleýli túrde nyǵaıta túsedi, zań shyǵarý úderisin edáýir jeńildetedi. Sonymen qatar, tómengi palatanyń quzyretin keńeıtý qajet», - dedi Qasym-Jomart Toqaev.