Árbir medıtsınalyq mekeme sapaly qyzmet kórsetýge mán berýi tıis - medıtsına ǵylymdarynyń doktory J. Danbaeva
- Juldyz Seıitqamzaqyzy, aldymen qyzmetterińizdegi nátıjelerge toqtalsańyz?
-Jyl saıyn úsh myńnan astam elordanyń jáne Qazaqstannyń óńirlerinen kelgen adamdar statsıonarda em qabyldaıdy. Sonymen birge 111 myńnan astam konsýltatsııalar men 800 myńnan astam zerthanalyq zertteýler júzege asyrylady. Em qabyldaýshylarǵa sapaly qyzmet kórsetý men olarǵa qolaıly jaǵdaı jasaý úshin Ortalyqta balalardy qabyldaýǵa arnalǵan jeke kabınetter ashyldy, ıaǵnı vıtılogony (teride aq daqtardyń paıda bolýy), shash dertterin emdeý, allergologtyń, endokrınologtyń kabınetteri jumys isteýde. 2015 jyldyń 5 aıynda 6 382 balany qabyldadyq, al 2014 jyly jalpy 6 374 balany qabyldaýǵa múmkin bolǵan edi. Ótken jyldyń kúzinen bastap jumys istep jatqan vıtılogo problemasy boıynsha kabınet atalǵan dertke shaldyqqan 300 den astam adamdy qabyldady.
- Jyl saıyn elordanyń medıtsınalyq mekemelerinde jańa tehnologııalar men emdeý ádisteri engiziledi. Osy ortalyqta bulardyń qaısysy paıdalanylýda?
- Búginde teri aýrýlaryn emdeýdiń qazirgi zamanǵy ádisteriniń biri fototerapııa bolyp tabylady. Bul ádis fotosensıbılızatorlarmen úılesý arqyly uzyn tolqyndy ýltra kúlgin sáýlelermen terige áser etedi. Osy oraıda túrli teri aýrýlaryn uzaq merzimge betin qaıtarýǵa jáne klınıkalyq nátıjege múmkindik jasalady. Qoljetimdi baǵamen qyzmet kórsetýdiń túrli baǵyttary boıynsha qala turǵyndary men qonaqtaryna eseptelgen dermatokosmetologııalyq bólim ashyldy. Onyń ishinde jasóspirimderdiń bezeýli bórtpelerin emdeý ádisteri qamtylǵan. Sonymen qatar bizde resýrs únemdegish tehnologııalar engizilýde. Máselen, 2014 jyly kúndizgi statsıonarda kereýet oryndary 20-den 40-qa deıin jetkizildi. Osy turǵyda energııa únemdegish tehnologııalarǵa kóshý júzege asyryldy. Keıbir qyzmetter aýtsorsıngke aýystyryldy.
- Aýrýdy aldyn ala eskertý úshin kóptegen medıtsınalyq mekemeler profılaktıkaǵa ekpin qoıady. Ortalyqta profılaktıkanyń qandaı ádisteri engizildi?
- Dermatovenerologııalyq baǵyttaǵy dertterdiń profılaktıkasy boıynsha sharalar kesheni, juqpaly teri dermatozdarynyń anyqtalǵan oshaqtarynda medıtsınalyq tekserýler ótkizý bizdiń Ortalyq jumysynyń ajyramas bóligi. Jylyna eki ret sozylmaly teri dertteri bar adamdardy dıspanserleý sharalary júrgiziledi. Ashyq esik kúnderine erekshe nazar bólemiz. Sol kúnderi turǵyndarǵa terini kútip ustaýǵa, durys tamaqtanýǵa baılanysty aqparattar beriledi. Sondaı-aq terapııadaǵy ınnovatsııalar týraly, terini kútýdiń jańa ádisterý jóninde keńester jasalady. Osyndaı aktsııalardy jyl saıyn dástúrli túrde ótkizemiz.
Juqpaly teri dermatozdarynyń profılaktıkasy úshin oshaqtarda epıdemııaǵa qarsy sharalar uıymdastyrylady. Aǵymdaǵy jyly 51 epıdemııalyq oshaq tekserildi. 14 orta mektep pen balabaqshada medıtsınalyq tekserýler júrgizildi.
Turaqty túrde halyqty jynystyq jolmen beriletin ınfektsııalar týraly aqparattandyryp, onyń saldary men profılaktıkasy boıynsha túsindirý jumystaryn júrgizýdemiz. Jyl basynan beri 10 myń aqparattyq býkletterdi daıarlap, olardy emhanalar men perzenthanalarǵa, statsıonarlarǵa tarattyq. Munymen qosa, ortalyq mamandary qalanyń mektepterinde, kolledjderde jáne joǵary oqý oryndarynda dárister oqydy.
- Ortalyqta búginde qansha maman jumys istep jatyr?
-Bizdiń ujymda 170 adam qyzmet etýde. Onyń ishinde 44 dáriger bar bolsa, sonyń bireýi medıtsına ǵylymynyń doktory, ekeýi ǵylym kandıdaty. 2015 jyly bizdiń qyzmetkerler Astana ákimi men QR Densaýlyq saqtaý jáne áleýmettik damý mınıstrligi atynan qurmet gramotalarymen marapattaldy. Bizdiń ujym jyldar boıy turaqty jumys istep keledi. Personaldy yntalandyrý - medıtsınalyq qyzmet sapasyn arttyrýǵa baǵyttalǵan negizgi qadamdardyń biri bolyp tabylady. Nátıjelerge oraı toqsan saıyn qyzmetkerlerdi yntalandyrý, syıaqy berý júzege asyrylady.
-Sizderde dıspanserlik esepte qansha emdelýshi tirkeýge qoıylǵan?
-2015 jyldyń 5 aıynda teri patologııasymen aýrýlardyń dıspanserlik toby 654 adamǵa jetti. Onyń ishinde 54 paıyzy psorıazǵa shaldyqqan bolsa, 16,2 paıyzynda vıtılıgo derti, al qalǵandary teriniń qabynýy, qyshyma jáne basqa da aýrýlar boıynsha naýqastar. Aıta keteıik, sońǵy jyldary kóp jaǵdaılarda adamdy múgedek etetin teri aýrýynyń aýyr túrin tirkeý jaǵdaılary jıilep ketti. Qazirgi kezde teri aýrýynyń aýyr túrimen 11 emdelýshi esepte tur. - Júrek-qan tamyrlarynan keıin álemde kósh bastap turǵan dertterdiń arasynda teri aýrýlary da bar. Al bul máselede elimizdegi ahýal qalaı qalyptasyp otyr? -Teri jáne teriasty aýrýlary naýqastylyq qurylymynda (3,6 paıyz) toǵyzynshy orynda tur. Jalpy respýblıka boıynsha osy dertterdiń tómendeýi úderisi baıqalýda. Máselen, eger 2012 jyly 100 000 halyqqa shaqqanda 3753,9 jaǵdaı tirkelse, 2013 jyly - 3653,4, al 2014 jyly - 3611, 4.
- Kúndizgi statsıonar úlken suranysqa ıe jáne naýqastardyń joǵary deńgeıdegi kásibı qyzmet kórsetýge rızashylyqtaryn bildirip otyrǵandyǵyn baıqadyq. -Kúndizgi statsıonar shynymen de úlken suranysqa ıe bolyp otyr. Emdelýshilerge úıden nemese jumystan alystamaı em qabyldaý, sonymen qatar joǵary bilikti mamandandyrylǵan kómek pen tegin dárilerdi alý qolaıly ekeni anyq. Medıtsınalyq personal qarqyndy jumys istep kózge túsýde. Kóbinese bizge sozylmaly teriniń shekteýli formalaryna, allergııalyq dermatıtterge,sondaı-aq qyshyma jáne ózge de dertterge shaldyqqandar kelip jatady. Biz óz kezegimizde naýqastarǵa sapaly medıtsınalyq qyzmet kórsetýge tyrysyp baǵýdamyz.
- Áńgimeńizge rahmet!