Árbir eldiń ulttyq deńgeıde aýqymdy reformalar júrgizýi mańyzdy - N.Nazarbaev
«Árıne, árbir eldiń ulttyq deńgeıde aýqymdy qurylymdyq reformalar júrgizýi mańyzdy. Qymbatty dostar, Qazaqstan tipti kartada shekarasy joq bolǵan jas memleket. Bıyl egemendigimizdiń 25 jyldyǵyn toılaımyz. Tarıh úshin jylt etken bir sátke teń shırek ǵasyr ýaqytta biz kartada shekarasy joq memleketten álemniń básekege qabiletti elý ekonomıkasynyń qatarynan tabylǵan memleketke aınaldyq. Osy ýaqyt ishinde damymaǵan ekonomıkalyq júıeden ashyq naryqtyq ekonomıkaǵa kóshtik. Bul ózgerister árıne qıyn boldy, biraq, bizdiń el úshin paıdaly ózgerister edi. Alda atqarar jumys ta kóp. Táýelsizdiktiń tańy endi atqanda Qazaqstannyń osyndaı jetistikke jetetinine sengender az edi...», - dedi Memleket basshysy N.Nazarbaev.
«Qazaqstannyń ınstıtýttary men ekonomıkasyn is júzinde nyǵaıtý ońaıǵa soqpady. Ony túsinesizder dep oılaımyn. Biz júrgizgen reformalardyń basty nátıjesi - halqymyzdyń ál-aýqaty jaqsardy. Táýelsizdik jyldarynda dollarmen eseptesek, Qazaqstannyń jalpy ishki ónimi 2014 jyldy qosa sanasaq, 20 esege, ortasha jalaqy 17 esege artqan. 2 mln halyqty jumyspen qamtydyq. Osy minberde turyp, qazaq halqy men qazaqstandyqtar dál qazirgideı jaqsy ómir súrmegenin málim ete alamyn», - dedi N.Nazarbaev.