Árbir ekinshi mamandandyrylǵan avtokólik Aqmola oblysynda shyǵarylady

ASTANA. QazAqparat – Aqmola oblysynyń ákimi Ermek Marjyqpaev óńirdiń mashına jasaý salasyndaǵy tabysty kásiporyndary týraly aıtyp berdi, dep habarlaıdy QazAqparat tilshisi.

«Bizde mashına jasaý salasynda birqatar kásiporyn bar ekenin erekshe atap ótkim keledi, olar respýblıka boıynsha – kósh basynda tur. Mysaly «KazRostInjınırıng» jáne «KAIK» kompanııalary jyl saıyn árqaısysy 2 myńǵa deıin aýyl sharýashylyǵy tehnıkasyn, kombaın men traktorlar shyǵaryp satady», - dedi oblys ákimi ortalyq kommýnıkatsııalar qyzmetinde ótken eseptik brıfıngte.

Ákimniń aıtýynsha, «KAMAZ-Injınırıng» AQ jylyna 1,5 myńǵa deıin júk jáne mamandandyrylǵan, tek qana Qazaqstanda shyǵarylatyn eksklıýzıvti avtomobılder shyǵarady.

«Osy jáne basqa da kásiporyndar belsendi keńeıip keledi, Eýropa men Azııanyń aldyńǵy qatarly elderinde shyǵarylatyn zamanaýı, robottalǵan jabdyqtardy ornatýda. Ol bul salanyń bizdiń óńirde odan ári damı beretinin kórsetedi. Sonymen birge, el kóleminde jekelegen ónim túrleri boıynsha barlyq moıyntirekter, árbir ekinshi mamandandyrylǵan avtomobıl, jınaıtyn kombaın jáne traktor Aqmola oblysynda shyǵarylady», - dedi E. Marjyqpaev.