Árbir azamat eldiń bolashaǵy úshin óz jaýapkershiligin sezinýge tıis - QR Prezıdenti

ASTANA. QazAqparat – Memlekettik saıasatymyzdyń negizgi baǵyty – bilim berý isinen bastap ındýstrııalandyrýǵa deıin qoǵamnyń barlyq salasyn jańǵyrtý. Bul týraly QR Prezıdenti Qasym-Jomart Toqaev saltanatty ulyqtaý rásiminde aıtty, dep habarlaıdy QazAqparat tilshisi.

«Endi bizdiń ortaq maqsatymyz – zań men tártip ústemdik quratyn, azamattardyń quqyǵyna laıyqty qurmet kórsetiletin Ádiletti Qazaqstandy qurý. Qoǵamdy transformatsııalap, Qazaqstandy shynaıy demokratııalyq ınstıtýttary damyǵan elge aınaldyrý úshin aýqymdy jumys atqarýymyz kerek. Sonda ǵana ulttyń jańa sapasyn qalyptastyryp, qasterli táýelsizdigimizdi nyǵaıtamyz. Qazir biz osy qıyn-qystaý joldyń basynda turmyz», - dedi QR Prezıdenti.

Memleket basshysy aldymyzda atqaratyn jumys kóp ekendigin basa aıtty.

«Árbir azamat eldiń bolashaǵy úshin óz jaýapkershiligin sezinýge tıis. Memlekettik saıasatymyzdyń negizgi baǵyty – bilim berý isinen bastap ındýstrııalandyrýǵa deıin qoǵamnyń barlyq salasyn jańǵyrtý. Elimizdiń uzaq merzimdi ekonomıkalyq ósiminiń negizin jańa tehnologııalar, joǵary eńbek ónimdiligi, azamattardyń shyǵarmashylyq bastamalary quraıdy», - dedi Qasym-Jomart Toqaev.