Arandatýshylyqqa qaramastan Qazaqstan halqy aýyzbirshiligin joǵaltpady - Marat Ázilhanov
«Birinshiden, Qazaqstan halqy Assambleıasy kez kelgen zańǵa qaıshy keletin áreketke qarsy. Buzaqylyq pen lańkestikke jol joq. Arandatýshylyq áreketterge qaramastan Qazaqstan halqy aýyzbirshiligin joǵaltpady. Ekinshiden, jappaı ereýil kúnderi baılanystyń bolmaýyna qaramastan Májilis depýtattary, memlekettik organ ókilderi, qoǵam qaıratkerleri, Assambleıa músheleri men respýblıkalyq jáne aımaqtyq qoǵamdyq qurylym qyzmetkerleri halyq arasynda túsindirý jumysyn júrgizdi», - dedi Marat Ázilhanov.
Onyń aıtýynsha, búginde Qazaqstan halqy Assambleıasy músheleri eldi qalpyna keltirý sharalaryna belsendi qatysyp jatyr.
«Óńirlerde volonterlik aktsııalar uıymdastyrylyp, zardap shekken jandarǵa kómek kórsetilýde. Sondaı-aq qaıyrymdylyq sharasy da qolǵa alyndy. Osy oraıda «Assambleıa jastary» uıymyna alǵys aıtqym keledi. Bizdiń volonterler jappaı tártipsizdikter kezinde qyzmettegi quqyq qorǵaý organdary qyzmetkerleri men kommýnaldyq qyzmet jumysshylaryna ystyq tamaq uıymdastyrdy. Odan bólek, Nur-Sultan, Almaty, Taraz qalalarynda belsendi azamattar donor bolyp qan tapsyrdy. Jalpy barlyq óńirlerde el ómirin qaıta qalpyna keltirý jumysy jalǵasýda», - deıdi ol.