Aralyq jáne tórelik sottardyń quzyretin keńeıtý memlekettik sottardyń júktemesin aıtarlyqtaı azaıtady - Ádilet mınıstri

ASTANA. 18 sáýir. QazAqparat - 2012 jyly elimizde 500 myńnan astam azamattyq is qaralǵan. Bul týraly búgin Parlament Senatynda «Qazaqstan Respýblıkasynyń keıbir zańnamalyq aktilerine tóreliktiń jáne aralyq sottyń qyzmetin jetildirý máseleleri boıynsha ózgerister men tolyqtyrýlar engizý týraly» zań jobasyn talqylaý barysynda málim boldy.

Qujat boıynsha baıandaǵan Ádilet mınıstri Berik Imashevtiń aıtýynsha, 2011 jyly elimizdegi sottar 500 myńnan astam azamattyq isterdi qaraǵan. Al, qaralǵan azamattyq isterdiń jalpy sanynyń 74 paıyzy talap qoıý boıynsha is júrgizýdi quraıdy.

«2012 jyly da sottarmen 500 myńnan astam azamattyq ister qaraldy. Ondaǵy talap qoıý boıynsha isterdiń jalpy sany 70 paıyzdy quraıdy. ıAǵnı, búgingi kúni sottardyń azamattyq isterdi qaraý kezindegi júktemesi óte úlken bolyp otyr. Óz kezeginde 2011 jyly elimizdegi aralyq sottar 22 isti, al tórelik sottar 3 isti ǵana qaraǵan»,-dedi mınıstr B. Imashev.

Onyń pikirinshe, aralyq jáne tórelik sottardyń quzyretin keńeıtý memlekettik sottardyń júktemesin aıtarlyqtaı azaıtýǵa múmkindik beredi. Soǵan qatysty zań jobasynda aralyq jáne tórelik sottardyń quzyretin azamattyq-quqyqtyq qatynastardan týyndaıtyn daýlardy qaraý quqyǵyn berý arqyly keńeıtý usynylady.

«Álemdik tájirıbege súıensek AQSh, Ýkraına, Polsha, Avstrııa zańnamasyna sáıkes tórelik is qaraýdyń máni is júzinde múliktik jáne múliktik emes sıpattaǵy kez kelgen daý bolýy múmkin»,-dedi Ádilet mınıstri.