Araldyń tabanyndaǵy 4 myń sharshy shaqyrym aýmaqty qaıta sýmen jabýǵa bolady – Roman Sklıar

ASTANA. QazAqparat – Dúnıejúzilik bank bólgen granttyń arqasynda Sotústik Araldyń sý kólemin 8 myń tekshe shaqyrymǵa ulǵaıtatyn jobanyń tehnıkalyq-ekonomıkalyq negizdemesi ázirlendi, dep habarlaıdy QazAqparat tilshisi. Bul jaıynda Premer-Mınıstrdiń birinshi orynbasary Roman Sklıardyń Májilis depýtattarynyń saýalyna bergen jaýabynda aıtylǵan.

«Qazirgi tańda Aral teńizi basseınindegi ekologııalyq jáne áleýmettik-ekonomıkalyq kórsetkishterdi ári qaraı jaqsartý úshin Dúnıejúzilik bankten tartylǵan 1,5 mln dollar grantqa «Aral teńiziniń soltústik bóligin qalpyna keltirý jáne óńirlik damytý» jobasynyń tehnıkalyq-ekonomıkalyq negizdemesi ázirlendi. Ol jobanyń bir bóligi «Syrdarııa ózeniniń arnasyn retteý jáne Aral teńiziniń soltústik bóligin saqtaý» jobasynyń jalǵasy bolyp otyr», - dep jazylǵan jaýapta. https://www.parlam.kz/kk/mazhilis/question-details/19151

Birinshi vıtse-Premerdiń málimetinshe, atalǵan jobany iske asyrý arqyly Soltústik Araldyń sý kólemin 27 tekshe shaqyrymnan 35 tekshe shaqyrymǵa arttyrýǵa bolady.

«Osylaısha Araldyń qańsyp qalǵan tabanyn 4 myń sharshy shaqyrymǵa deıin sýmen jaýyp, jergilikti balyq popýlıatsııasyn 27 túrge deıin kóbeıtý kózdelgen», - dep jazady Roman Sklıar.