Araldy qutqarý qory quryltaıshy memleketteri basshylarynyń kelesi kezdesýi Qazaqstanda ótedi
13:31, 15 Qyrkúıek 2023
Prezıdent Araldy qutqarý qory quryltaıshy memleketteri basshylarynyń kelesi kezdesýin 2026 jyly Qazaqstanda ótkizýdi usyndy, dep habarlaıdy QazAqparat Aqordaǵa silteme jasap.
«Búgingi sammıt tyǵyz yntymaqtastyq, ózara tıimdi seriktestik jasaý jáne bir-birimizdiń múddelerimizdi qurmetteý arqyly ǵana aımaǵymyzdyń turaqty damýyn, qaýipsizdigi men ekonomıkalyq ál-aýqatyn qamtamasyz ete alatynyn anyq kórsetip otyr.Bizdiń kezdesýimiz sý salasyndaǵy óńirlik yntymaqtastyqty odan ári nyǵaıtýǵa yqpal etetin sheshimderdi ýaqtyly jáne birlese qabyldaýǵa múmkindik beredi dep senemin.Joǵary deńgeıdegi kelesi kezdesýdi ózim bastamashy bolǵan BUU aıasyndaǵy aımaqtyq klımattyq sammıtpen biriktire otyryp, 2026 jyly Qazaqstanda ótkizýdi usynamyn.Sózimdi qorytyndylaı kele, Qor qyzmetin múlde jańa deńgeıge kóterý úshin Qazaqstan bar kúsh-jigerin jumsaýǵa daıyn ekenin taǵy da rastaǵym keledi.Qor jumysyna barlyq quryltaıshy memlekettiń belsendi aralasýy sý máselesin tıimdi sheshýge jáne aımaqtyq ıntegratsııanyń odan ári nyǵaıýyna yqpal eterine senimdimin», - dedi Qasym-Jomart Toqaev.
Aıta keteıik, Qasym-Jomart Toqaev Tájikstan Respýblıkasynda jumys saparymen júr.
Prezıdent Halyqaralyq Araldy qutqarý qorynyń quryltaıshy memleketteri basshylary keńesi otyrysyna qatysyp, baıandama jasaǵany habarlanǵan bolatyn.