Aralda jol-kólik oqıǵasynan bir adam qaza taýyp, eki adam jaraqat aldy

QYZYLORDA. QazAqparat - Qyzylorda oblysy Aral aýdanynda jol-kólik oqıǵasynan bir adam qaza taýyp, eki adam jaraqat aldy, dep habarlaıdy QazAqparat tilshisi.

Oqıǵa 8 tamyzda saǵat 18:45 shamasynda bolǵan. Aral qalasyndaǵy Abaı kóshesiniń boıynda eki avtokólik soqtyǵysqan.

«Tekserý barysynda «GAZel» júrgizýshisi qarama-qarsy baǵytta kele jatqan VMW markaly avtokóligimen soqtyǵysyp qalǵan. Jol-kólik oqıǵasynan VMW avtokóliginiń júrgizýshisi jáne jolaýshysy dene jaraqatymen aýdandyq aýrýhanaǵa jatqyzylǵan. Júrgizýshi aýdandyq aýrýhanada qaıtys boldy», - dep málim etti Aral aýdandyq polıtsııa bóliminen.

Atalǵan derek boıynsha QR Qylmystyq kodeksiniń 345-babynyń 2- bóligimen sotqa deıingi tergep tekserý áreketteri júrgizilýde. Tıisti saraptamalar taǵaıyndalǵan.

Eske salsaq, budan buryn Qyzylorda oblysynda kólik apatynan eki adam qaza tapty.