Aralda «Teńizdiń oralýy» atty ǵylymı-tanymdyq fılm túsirilip jatyr
Bul jaıynda «Qazaqfılm» kınostýdııasynyń baspasóz qyzmeti málimet taratty.
«Rejısser Vıktor Vılkovskıı bastaǵan «Teńizdiń oralýy» ǵylymı-tanymdyq fılminiń túsirilim toby Aral aýdanynda túsirilimdi bastady. Aral teńiziniń ekologııalyq apatynyń sebebi - teńizdi qorektendiretin Syrdarııa men Amýdarııa ózenderin maqta, kúrish jáne basqa daqyldardy sýaratyn arnalarǵa burý bolǵany kópshilikke belgili. Ǵylymı jáne memlekettik mekemeler, kásiporyndar, halyqaralyq uıymdar men qorlar kóp jyldar boıy Aral teńiziniń tartylý máselesin sheshýmen aınalysyp keledi. Rejısser dál osy mańyzdy jumysty qamtýdy josparlap otyr» dep habarlaıdy kınostýdııadan.
Fılm kórermenge Araldyń ótkeni, búgini men bolashaǵy týraly áńgimeleıdi jáne árqaısymyzdyń qorshaǵan ortanyń ekologııalyq jaǵdaıyn jaqsartýǵa qosqan úlesimiz týraly oıǵa qaldyrady.