Aralas jekpe-jek sheberiniń jazbasynan keıin birqatar sportshy ataǵynan aıyryldy - Antıkor

<p>ASTANA. KAZINFORM &ndash; Sybaılas jemqorlyqqa qarsy is-qımyl agenttigi tanymal aralas jekpe-jek sheberi Arman Áshimovtiń áleýmettik jelige júktegen vıdeosynan keıin tekseris júrgizgen.</p>

Aralas jekpe-jek sheberi vıdeoda «QR eńbek sińirgen jattyqtyrýshysy» jáne «QR halyqaralyq dárejedegi sport sheberi» syndy ataqtar sportshylarǵa negizsiz berilgenin aıtqan bolatyn.

Antıkor beınejazbany muqııat tekserip, Agenttiktiń usynysy boıynsha sportshylar sporttyq ataqtarynan aıyryldy.

Sondaı-aq quzyrly mekeme jemqorlyq táýekelderin taldaý qorytyndysy boıynsha Týrızm jáne sport mınıstrligine jemqorlyq derekterin joıý, E-sport Ulttyq tsıfrlyq platformasyn iske qosý syndy usynystaryn joldady.

«E-sport Ulttyq tsıfrlyq platformasy sportshylar, ınfraqurylym, jarystar men jetistikter týraly biryńǵaı derekter qoımasyn quraıdy jáne sport salasyndaǵy jemqorlyq táýekelderin boldyrmaýǵa múmkindik beredi», - dedi Sybaılas jemqorlyqqa qarsy is-qımyl agenttiginiń resmı ókili Danııar Bıǵaıdarov jýrnalısterge arnalǵan brıfıngte.