Aral tuzyna erekshe statýs berilýi múmkin

<p>ASTANA. KAZINFORM &ndash;Ádilet mınıstrliginiń resmı ókili Talǵat Ýálı vedomstvonyń baspasóz máslıhatynda óńirlerde geografııalyq nusqama retinde tirkeýge bolatyn ónimder kóp ekenin aıtty.</p>

«Geografııalyq nusqama degenimiz belgili bir geografııalyq aımaqtan shyqqan jáne sol ornalasqan jerine baılanysty biregeı qasıetterge nemese sapaǵa ıe, aýylsharýashylyq, azyq-túlik, qolóner men ónerkásip ónimderin anyqtaý úshin paıdalanylatyn jáne tabıǵaty men mádenıeti, tarıhy men shyqqan jerine tyǵyz baılanysy bar jańa zııatkerlik menshik nysany. Geografııalyq nusqamany tirkeý Qazaqstannyń ártúrli aımaqtarynda óndiriletin taýarlardyń ulttyq brend retinde damýyna, sondaı-aq olardyń álemdik naryqta tanylýyn, ınvestıtsııalyq tartymdylyǵyn arttyrýǵa jáne týrıstik ındýstrııany damytýǵa yqpal etedi», - deıdi ol.

Talǵat Ýálı byltyr qyrkúıekte Almaty aportyna osyndaı statýs berilgenin eske saldy.

«Sol sııaqty Qazaqstannyń árbir óńirinde geografııalyq nusqama retinde tirkelý múmkindigi joǵary ónimder bar. Mysaly, Qazaqstandyq tary, Qyzylordalyq «Aral tuzy», Shyǵys Qazaqstannyń tabıǵı baly jáne basqa da ónimder geografııalyq nusqama tirkelýi múmkin», - dedi resmı ókil.

Mınıstrlik deregine súıensek, qazir elde 19 geografııalyq nusqama resmı tirkelgen. Taǵy 109 ótinish qaralyp jatyr.

Qazirgi ýaqytta tirkelgen brendter:

1. Almaty Aporty

2. Talǵar almurty

3. Narynqol kartoby

4. Baqanas kúrishi

5. «Kókshetaý» balmuzdaǵy

6. «Kókshetaý» maıy

7. Býrabaı baly

8. Qaraǵandy balmuzdaǵy

9. Qaraǵandy broıleri

10. Qostanaı baly

11. Túıe sútinen jasalǵan «Aral» sabyny

12. «Aral» jantaq sabyny

13. Qyzylorda tuzy

14. «Qazaly» kámpıti

15. «Qazaly» sabyny

16. Saıram Nany

17. TURKISTAN shokolady

18. TURKISTAN balmuzdaǵy

19. ChAChA sýsyny