Aral teńizi men Semeı polıgonynyń balalar densaýlyǵyna áseri talqylandy

ASTANA. QazAqparat - Búgin QR Energetıka mınıstrliginde BUU Balalar quqyqtary jónindegi komıtetiniń úsh negizgi baǵyttaǵy usynymdaryn iske asyrý boıynsha mańyzdy máseleler talqylandy.

Atap aıtqanda, olar - qorshaǵan ortany qorǵaý; Aral teńizi men Semeı ıadrolyq polıgonynyń balalar densaýlyǵyna áser etýi; topyraq pen sýdyń ónerkásiptik qaldyqtarmen, aýylsharýashylyq lastaǵyshtarymen jáne hımıkattarmen lastanýy jáne olardyń balalar densaýlyǵyna áser etýi, dep habarlaıdy QazAqparat atalmysh vedomstvonyń baspasóz qyzmetine silteme jasap.

 

«Bala jáne qorshaǵan orta» taqyrybyndaǵy dóńgelek ústel otyrysyna QR Parlamenti Májilisiniń depýtattary Z.ıA.Balıevanyń, B.Q.Hamenovanyń, M.B.Temirjanovtyń, energetıka vıtse-mınıstri Ǵ.Q.Sádibekovtiń, aýyl sharýashylyǵy vıtse-mınıstri S.R.Egizbaevtyń, memlekettik organdar, halyqaralyq jáne úkimettik emes uıymdar ókilderi qatysty.

  

Іs-shara sońynda usynymdar jobasy qalyptastyryldy. Olar 2016 jyldyń 21-22 qarashasynda (Astana q,. Beıbitshilik jáne kelisim saraıy) Qazaqstan Táýelsizdiginiń 25 jyldyǵy men ıÝNISEF-tiń 70 jyldyǵyna arnalǵan «Balaǵa meıirimdi Qazaqstan» halyqaralyq konferentsııasynda «Bala jáne qorshaǵan orta» dıalog alańynda talqylanatyn bolady.