Aral teńizi kúninde 800 túp kóshet egildi

QAZALY. QazAqparat - 26 naýryzda «Aral teńizi kúnine» oraı Qamystybas aýyldyq okrýgindegi Qambash kóliniń jaǵasynda «Aral ǵylymı-týrıstik» ortalyǵynda (Maıshyǵyr) aǵash otyrǵyzý aktsııasy ótti, dep habarlaıdy QazAqparat Aral aýdany ákiminiń baspasóz qyzmetine silteme jasap.

Sharaǵa óńir basshysynyń orynbasary Mereı Meıirbekov qatysty. Aktsııa barysynda 800 túp aǵash kóshet egildi.

Eske sala ketsek, bıyl «Aral teńizi kúni» ekinshi ret atap ótilýde. Ataýly dataǵa oraı oblys kóleminde is-sharalar legi jalǵasýda. 25 naýryzda Qyzylorda qalasyndaǵy «Aqmeshit-Syrdarııa» ortalyq meshitiniń mańynda «Halyqaralyq Araldy qutqarý kúni» qarsańynda 800 túp alma aǵashy men úıeńki otyrǵyzylǵan edi.