Aral teńizi basseıniniń sý resýrstaryn tıimdi paıdalaný úshin batyl is-sharalar qajet - Toqaev
«Qazirgi klımattyq syn-tegeýirinder, sý men energetıkalyq resýrstarǵa suranystyń artýy Aral teńizi basseıniniń sý resýrstaryn tıimdi paıdalanýdy qamtamasyz etý úshin batyl is-sharalar qabyldaýdy talap etedi. Klımattyń ózgerýi jónindegi sarapshylardyń halyqaralyq toby baıandamasyna sáıkes, óńirimizdegi temperatýra ǵalamshardaǵy ortasha kórsetkishten birshama jyldam ósip keledi», - dedi Qazaqstan Prezıdenti Ortalyq Azııa memleketteri basshylarynyń IV Konsýltatıvtik kezdesýinde.
Memleket basshysy klımattyń ózgerý protsesi muzdyqtar kóleminiń, ıaǵnı óńirimiz úshin basty sý kóziniń qysqarýyna alyp keletinin basa aıtty.
«Sońǵy 50 jylda Ortalyq Azııada o lardyń kólemi 20-30 paıyzǵa qysqardy. Bul keleshekte Syrdarııa men Ámýdarııa ózenderine aǵyp keletin sýdy eselep qysqartady. Munyń bári kidirissiz birlesken is-sharalardy qabyldaýdy talap ete otyryp, óńirdiń azyq-túlik, energetıkalyq jáne ekologııalyq qaýipsizdigi úshin aıtarlyq syn-tegeýiringe alyp keledi», - dedi Qasym-Jomart Toqaev.
Foto: aralregioncharity.org