Aral-Syrdarııa basseındik ınspektsııasynyń basshysy taǵaıyndaldy

<p>Sý resýrstary jáne ırrıgatsııa mınıstrligi Sý resýrstary komıtetiniń Sý resýrstaryn paıdalanýdy retteý jáne qorǵaý jónindegi Aral-Syrdarııa basseındik ınspektsııasynyń basshysy taǵaıyndaldy. Bul qyzmetke Sársenbaev Qaıratbek Áýbákiruly keldi, dep habarlaıdy <a href="Kazinform" target="_blank" rel="noopener">Kazinform </a>tilshisi.</p>

Q. Sársenbaev Qyzylorda oblysy Syrdarııa aýdanynda 1961 jyly dúnıege kelgen.

Jambyl gıdromelıoratıvti-qurylys ınstıtýtyn «Injener-gıdrotehnık», Qazaq aýyl sharýashylyǵy ınstıtýtyn «Aýyl sharýashylyǵy kásiporyndarynyń uıymdastyrýshy-ekonomısi», Qorqyt ata atyndaǵy Qyzylorda memlekettik ýnıversıtetin «Ekonomıst-býhgalter», Qaztutynýodaǵy Qaraǵandy ekonomıkalyq ýnıversıtetin «Quqyqtaný» mamandyqtary boıynsha bitirgen.

Eńbek jolyn 1983 jyly Syrdarııa sý sharýashylyǵy basqarmasynyń ınjeneri retinde bastaǵan. Ár jyldary osy basqarmada aǵa ınjener, bólim bastyǵy qyzmetterin atqarǵan.

1986-1997 jyldary Syrdarııa aýdanynda túrli basshylyq qyzmette boldy.

1997-2013 jyldary Qyzylorda oblysynyń qarjy basqarmasynyń basshysy, Syrdarııa aýdany ákiminiń birinshi orynbasary, Qyzylorda oblysy ákimi apparatynyń ekonomıka jáne naryqtyq qatynastar bóliminiń meńgerýshisi qyzmetterin abyroımen atqardy.

2013-2020 jyldary Shıeli jáne Jalaǵash aýdandarynyń ákimi bolyp eńbek etti.

2020-2023 jyldary Qyzylorda oblysynyń jumyldyrý daıyndyǵy basqarmasynyń basshysy, aýyl sharýashylyǵy jáne jer qatynastary basqarmasy basshynyń orynbasary boldy.

Eske salsaq, budan buryn Qyzylorda oblysynyń dene shynyqtyrý, sport jáne týrızm basqarmasy basshysy taǵaıyndaldy.