Arab elderi SІM basshylary Gazadaǵy ahýaldy talqylaý úshin Reseıge bardy

<p>Saýd Arabııasynyń syrtqy ister mınıstri Feısal ıbn Farhan ál-Saýd bastaǵan ıslam jáne arab elderi SІM basshylary Taıaý Shyǵystaǵy ahýaldy talqylaý úshin Reseıge saparlady. Bul týraly Saýd Arabııasy syrtqysaıasat vedomstvosynyń&nbsp;<a href="https://twitter.com/KSAmofaEN/status/1726956043023077482" target="_blank" rel="noopener">X (Twitter)</a>&nbsp;áleýmettik jelisindegi resmı akkýantynda málim etildi, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>.</p>

Delegatsııa RF Syrtqy ister mınıstri Sergeı Lavrovpen Gazada atysty toqtatý jáne Taıaý Shyǵystaǵy ahýal máselelerin talqylaıdy.

Foto: twitter.com/KSAmofaEN

Buǵan deıin Saýd Arabııasynyń Syrtqy ister mınıstri Feısal ıbn Farhan ál-Saýd Arab-Islam sammıtin uıymdastyrýǵa jaýapty komıtet jumysyn bastaǵanyn málim etken edi. Komıtetke Gazada atysty toqtatý boıynsha is-qımyldardy ázirleý júktelip otyr. Osy maqsatta Arab jáne ıslam elderiniń syrtqy ister mınıstrleri Qytaıǵa, keıin basqa da elderge baratyny aıtyldy.

Keıin Arab jáne ıslam elderiniń syrtqy ister mınıstrleri Qytaıda atalǵan eldiń SІM basshysy Van Imen palestına-ızraıl qaqtyǵysyn talqylaǵany habarlandy.