Ár jeńimpazǵa - 5 mln teńge: «Aıboz» ulttyq ádebı syılyǵyna ótinim qabyldaý jalǵasyp jatyr
Onyń ishinde «Úzdik proza» nomınatsııasyna – 26 shyǵarma, «Úzdik drama» – 2 ótinim, «Úzdik poezııa» - 21, «Úzdik ádebı syn» atalymy boıynsha – 1 ótinim, «Úzdik ádebı aýdarma» - 4, «Úzdik balalar ádebıeti» - 8, «Úzdik komıks» - 2 ótinim.
Eske sala ketsek, ádebı syılyqtyń jalpy júlde qory – 35 mln teńge. Ár nomınatsııaǵa 5 mln teńgeden qarastyrylǵan.
Úmitkerlerdiń ótinimi 1 mamyr – 1 qyrkúıek aralyǵynda aiboz.kz saıty arqyly qabyldanady.
Ádebı syılyq jyl sońynda tabystalady. Baıqaýǵa otandyq qalamgerler qatysa alady jáne úmitkerlerdiń jas ereksheligine shekteý joq.
«Aıboz» – otandyq qalamgerlerge memleket tarapynan qoldaý kórsetý jáne yntalandyrý maqsatynda Mádenıet jáne sport mınıstrligi uıymdastyratyn ulttyq ádebı syılyq. Baıqaýǵa buryn-sońdy esh jerde jarııalanbaǵan shyǵarmalar ǵana qabyldanady. Bul qazaq ádebıetiniń qory 7 nomınatsııa boıynsha júzdegen jańa týyndymen tolyǵady degen sóz. Sondaı-aq qalamgerler arasynda báseke paıda bolyp, sonyń nátıjesinde oqyrmanǵa ózekti, qyzyqty ári zamanaýı shyǵarmalar jol tartady»,- dedi Arhıv, qujattama jáne kitap isi komıteti kitap isi basqarmasynyń basshysy Almaz Myrzahmet.