Ár vandal aıaldamany qıratqan saıyn qaltamyzdan qansha aqsha tólep júrmiz

<p>ASTANA. KAZINFORM &mdash; Buzaqylyq úshin qaltamyzdan shyǵatyn shyǵyn qansha? &laquo;Jańa adamdar&raquo; jastar qozǵalysy vandalızmge qarsy naýqan bastady.&nbsp;</p>

Jańa adamdardyń «VandalızmOFF» azamattyq naýqanynyń belsendileri qoǵamdyq múlikti joıýǵa qarsy kezekti aktsııa ótkizdi.

Olar júk kóligine synǵan aıaldama qaldyqtaryn salyp alyp, Astana kóshelerimen alyp júrdi. Sóıtip jurtshylyqtyń nazaryn osy máselege aýdardy. 

Kóliktiń búıirindegi jazý osyndaı bir ǵana nysandy joıý qansha turatynyn qaperimizge salady. 

«Qoqys alańyna 3 mıllıon teńge apara jatyrmyz» — kádimgi qalalyq qoǵamdyq kólik aıaldamasy buzylǵan saıyn qaltamyzdan shyǵatyn soma kólemi osyndaı.

Foto: Jańa adamdar

Naýqanda salyq tóleýshilerdiń memlekettik nysandardy qalpyna keltirý men kútip ustaýǵa jumsaıtyn qomaqty qarjylyq shyǵynyna nazar aýdaryldy.

Aıaldamanyń ortasha quny 3 mıllıon teńgege baǵalanyp otyr. Naýqanǵa qatysýshylar halyqty qoǵamdyq ınfraqurylymǵa zııan keltirmeýge shaqyryp, onyń azamattardyń jaılylyǵyn qamtamasyz etý jáne qoǵam ómirin jaqsartýdaǵy mańyzyn atap ótti.

«Qazaqstan — bizdiń áreketterimizdiń jıyntyǵy, birlesken jumysymyzdyń nátıjesi. Buzaqylyq múlikti ǵana emes, bizdiń jumysymyzdyń nátıjesin, bolashaǵymyzdy qıratady. Páterimiz bolsyn, kóshedegi aıaldama bolsyn, elimizdiń ár buryshyna uqyppen qaraýymyz qajet. Qazaqstannyń bolashaǵy men órkendeýine áribirimiz jaýaptymyz. Jańa Ádiletti Qazaqstandy birge quraıyq», — deıdi «VandalızmOFF» azamattyq naýqanynyń kóshbasshysy Aqerke Ahpanbaeva.