Ár urpaqtyń ýaqyty, isteıtin jumysy bar - Nursultan Nazarbaev

ShAMALǴAN. QazAqparat - Almaty oblysy Qarasaı aýdanynyń Shamalǵan aýylynda jergilikti turǵyndarmen kezdesken Elbasy Nursultan Nazarbaev prezıdenttik ókilettigin nelikten toqtatqanyn túsindirdi, dep habarlaıdy QazAqparat tilshisi.

«Ózderińiz bilesizder jaqynda men sheshim qabyldap, prezıdenttik ókilettigimdi toqtattym. Sebebi, ár urpaqtyń óziniń ýaqyty, isteıtin jumysy bar. Biraq men Elbasy retinde bıliktiń eń joǵarǵy satysyna kelip, odan ári ne istep jatqanyn kórip, strategııalyq máselelerge kóńil bólý úshin osylaı sheshtim. Meniń ornyma kelgen Toqaev myrza belgili qazaq azamaty, meniń úmitimdi aqtaıdy dep senemin», - dedi ol.

Aıta keteıik, búgin QR Tuńǵysh Prezıdenti týǵan jeri Shamalǵan eldi mekenine barady. Onda «Atameken» tarıhı-mádenı ortalyǵynyń aldynda turǵyndarmen kezdesý ótti.