Ár sýıtsıd boıynsha qylmystyq is qozǵalý kerek – Ashat Aımaǵambetov

<p>Árbir sýıtsıd faktisi boıynsha qylmystyq is qozǵap, tergeý júrgizilý kerek. Májilis depýtaty Ashat Aımaǵambetov Ádilet mınıstri Azamat Esqaraevtyń tóraǵalyǵymen ótken vedomstvoaralyq komıssııa otyrysynda osyndaı usynys aıtty, dep habarlaıdy Kazinform.&nbsp;</p>

Otyrystan keıin BAQ ókilderiniń suraǵyna jaýap bergen Ashat Aımaǵambetov ol usynystyń mánin túsindirdi.

«Qazir biz sýıtsıdterdiń bári boıynsha qylmystyq is qozǵala bermeıtinin kórip otyrmyz. Bul – problema. Sondyqtan biz, birinshiden, árbir sýıtsıd faktisi boıynsha qylmystyq is qozǵaýdy, ıaǵnı tergeý júrgizýdi usynyp otyrmyz. Ekinshiden, jańa eki qylmystyq quram usynylyp otyr. Bul – sýıtsıdke ıtermeleý jáne sýıtsıdti nasıhattaý», - dedi ol.

Depýtat bul baptar boıynsha da jaýapkershilik engizý kerek degendi aıtty.

«Sınıı kıt» degen sııaqty onlaın platformalardaǵy dúnıelerdi estigen shyǵarsyzdar. BAQ-ta sýıtsıdti nasıhattaý jáne sýıtsıdke ıtermeleý týraly málimetter tarap jatady. Biz osynyń bárin aıqyn retteý kerek dep esepteımiz. Jaýapkershilik bolý kerek», - dedi Ashat Aımaǵambetov.

Astana qalasy qoǵamdyq densaýlyq saqtaý basqarmasynyń basshysy Álııa Rústemovanyń málimeti boıynsha, bıyl Astanada 9 aıda 83 jasóspirim sýıtsıd jasaǵan.