Ár óńirde jastar saıasaty basqarmalaryn qurý josparlanýda - Bilim jáne ǵylym vıtse-mınıstri
13:41, 24 Aqpan 2012
ASTANA. 24 aqpan. QazAqparat - 2012 jyl Qazaqstannyń jastar saıasaty tarıhynda ataýly jyl bolady.
Búgin Astanada «Birlik.kz» respýblıkalyq jastar forýmy barysynda QR Bilim jáne ǵylym vıtse-mınıstri Mahmetqalı Sarybekov osylaı atap kórsetti.
Onyń aıtýynsha, QR Bilim jáne ǵylym mınıstrligi Parlament Májilisine memlekettik jastar saıasaty máselesi jónindegi jańa zań jobasyn engizdi.
«Jastar bastamalary men baǵdarlamalaryn iske asyrý jolyndaǵy kedergilerdi joıý úshin, jastar saıasaty salasyndaǵy memlekettik jáne jergilikti organdardyń quzyry jańa zań jobasy negizinde bekitiletin bolady. Bilim berý salasy baǵdarlamalaryn oryndaý úshin 2013 jyldan bastap ár oblysta jastar saıasaty basqarmalaryn qurýdy josparlap otyrmyz. Sonymen qatar Elbasynyń atyna jastar isteri komıtetin qurý jóninde arnaıy usynys engizildi», - dedi ol.