Ár oqý ornyna jedel ýákilder bekitildi – ІІM

<p>ASTANA. KAZINFORM &ndash; Elimizde balalar men jasóspirimder arasyndaǵy krımınogendik jaǵdaı qalaı? Olardyń quqyǵyn qorǵaý baǵytynda qandaı is-sharalar júrgizilip jatyr? Bul saýaldarǵa Іshki ister mınıstrligi Ákimshilik polıtsııa komıtetiniń basqarma bastyǵy Áset Ospanov jaýap berdi.</p>

«Mınıstrlik óńirlik polıtsııa departamentteriniń qyzmetine kún saıyn monıtorıng júrgizedi. Sondaı-aq, apta saıyn balalardyń qaýipsizdigin qamtamasyz etý boıynsha júrgizilgen jumystar týraly polıtsııa departamentteriniń basshylyǵy esep beredi. Balalardyń qaýipsizdigi Іshki ister mınıstriniń jeke baqylaýynda. Búgingi kúni balalar arasyndaǵy krımınogendik jaǵdaı turaqty», - dedi Áset Ospanov vedomstvodan ótken baspasóz máslıhatynda.

Onyń aıtýynsha, mınıstrlik kámeletke tolmaǵandardyń quqyqtaryn qorǵaý tásilderin qaıta qarady.

«Ár oqý ornyna jaýapty ıývenaldy polıtsııa qyzmetkerleri, ýchaskelik ınspektorlar men jedel ýákilder bekitilgen. Olar aldyn alý jumystaryn júrgizip, oqýshylar arasynda zańsyz áreketterdi anyqtaıdy jáne jolyn kesedi. Oqý jyly bastalǵaly jat áreketter jasaýǵa beıim 1400-den astam kúsh kórsetkish jasóspirim anyqtaldy. Olardyń barlyǵy ishki ister organdarynyń baqylaýyna alyndy. Kámeletke tolmaǵandar tarapynan bopsalaýdyń 40 faktisi toqtatyldy», - deıdi ol.