Ár qazaqstandyqqa áleýmettik tólem beriletini týraly aqparat jalǵan - Eńbek mınıstrligi
19:12, 23 Tamyz 2021
NUR-SULTAN. QazAqparat - Belgili bir silteme boıynsha ótken Qazaqstannyń árbir azamatyna 125 000 teńge mólsherinde áleýmettik tólem júzege asyrylatyny týraly aqparat shyndyqqa janaspaıdy. Bul týraly QazAqparat QR Eńbek jáne halyqty áleýmettik qorǵaý mınıstrliginiń resmı saıtyna silteme jasap habarlaıdy.
«Azamattarǵa alaıaqtar mundaı habarlamalardy jeke akkaýnttar men banktik shottarǵa qol jetkizý úshin qoldanýy múmkin ekenin eskertemiz. Eshqashan kúmándi siltemelerge ótpeńiz jáne alaıaqtyqtyń qurbany bolmas úshin jeke málimetterińizdi qaldyrmańyz.
Azamattardan jalǵan aqparatqa nazar aýdarmaýdy jáne aqparatty tek resmı kózderden ǵana alýdy suraımyz.
Jalǵan aqparatty taratý zań boıynsha jazalanatynyn eske salamyz», - dep eskertedi atalmysh mınıstrlik.