Ár qazaqstandyq jyl sońyna deıin 150 myń teńgeden alatyny ras pa

<p>Facebook-te QR Prezıdentiniń sýreti bar post tarap jatyr. Onda jyl sońyna deıin árbir qazaqstandyqtyń bank kartasyna 150 myń teńgeden túsetini jazylǵan.&nbsp;<a href="https://stopfake.kz/kk/archives/21203" target="_blank" rel="noopener">Stopfake</a>-tiń anyqtaýynsha, bul &ndash; feık, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>.</p>

Foto: stopfake.kz

 

«Qazaqstannyń memlekettik organdarynyń saıttarynda, onyń ishinde QR Prezıdentiniń Akorda.kz saıtynda mundaı tólemder týraly resmı aqparat joq. Bul týraly buqaralyq aqparat quraldarynda da habarlanbady.

Atalǵan aqparatty jarııalaǵan «Ótemaqy ortalyǵy» dep atalatyn akkaýntta feık paraqshanyń barlyq belgileri baıqalady. Profılde keltirilgen málimetterde +52 kody bar baılanys telefony jazylǵan, bul – Meksıkanyń kody.

Avatardaǵy sýret ornyna Qazaqstannyń Eltańbasy qoıylǵan. Biraq lentadaǵy jarııalanymdarǵa qarasaq, avatarda buǵan deıin Belarýs Respýblıkasynyń eltańbasy bolǵanyn kórýge bolady.

Bul – kıberqylmyskerlerdiń áreketi», - delingen saıtta.

Stopfake qorytyndysyna súıensek, «Ótemaqy ortalyǵy» arqyly ótemaqy tólenetini týraly habarlamalar – eski alaıaqtyq shema. QR memlekettik tehnıkalyq qyzmetiniń KZ-CERT sarapshylary ol týraly 2020 jyly qazaqstandyqtarǵa eskertken.

Demek, taralǵan aqparatqa senbegen jón.