Ár daýys el taǵdyryn sheshedi – qordaılyq aqsaqal
Jambyl oblysynyń Qordaı aýdanynda 19 aýyldyq okrýg, 41 eldi meken bar desek, onda barlyǵy 89,2 myń saılaýshy turady.
Aýdanda qajetti uıymdastyrý tehnıkasymen, telefon baılanysy jáne ınternetpen qamtylǵan 54 saılaý ýchaskesi jumys isteýde.
Saılaý kúni Masanchı jáne Qarakemer aýyldarynyń turǵyndary erekshe belsendilik tanytýda. Aıtalyq, Masanchı aýylynyń tórt saılaý ýchaskesinde tańerteńnen bastap jumys qyza túsken, turǵyndar saılaýǵa asyǵýda.
Atalǵan eldi mekende barlyǵy toǵyz myńǵa jýyq saılaýshy bar desek, túski saǵat 14.00-degi jaǵdaı boıynsha Masanchı turǵyndarynyń 68,8 paıyzy daýys berip úlgergen.
Alǵashqylardyń biri bolyp Qordaı aýdany Masanchı aýyldyq okrýginiń ardageri Loý Ishar óz tańdaýyn jasady.
«Bizdiń árbirimiz «meniń daýysym el taǵdyryn sheshedi, sol úshin bul mańyzdy» degen oıǵa taban tireýimiz kerek. Óz tańdaýymyzdy jasaýǵa erkimiz bar, daýys berý ádil ári ashyq ótýde», - deıdi Loý Ishar.
Qarakemer aýylynyń turǵyny Erǵazy Bosshaev árbir qazaqstandyq belsendi azamattyq ustanymǵa ıe bola otyryp, ony saılaý barysynda da kórsetýi kerek ekenin atap ótti.
Saǵat 14.00-degi jaǵdaı boıynsha Qordaı aýdanynda saılaýshylardyń kelýi shamamen 65 paıyzdy qurady.
Aıta ketý kerek, 2020 jyly ultaralyq kelisimdi nyǵaıtý jáne áleýmettik máselelerdi sheshý maqsatynda oblysta «Beıbitshilik jáne kelisim» pılottyq jobasy iske qosyldy, onyń aıasynda tek bir ǵana Qordaı aýdanynda 15 myńnan astam adamdy qamtyǵan 618 is-shara uıymdastyryldy.
Arnaıy qurylǵan mobıldi toptar bes baǵyt boıynsha jumys júrgizdi. 519 azamatqa konsýltatsııalyq-quqyqtyq kómek kórsetilip, 386 turǵynnyń máselesi sheshimin tapty, 23 azamatqa bıznes-jobalaryn júzege asyrý úshin 12 mıllıonnan astam teńge bólindi. Uıymdastyrylǵan bos jumys oryndar jármeńkesi aıasynda 164 jumys orny usynyldy. Nátıjesinde 44 adam turaqty jumysqa ornalasyp, 10 adam aqyly qoǵamdyq jumystarǵa tartyldy.
Sondaı-aq, memlekettik tildi oqytý kýrstary ótkizilip, oǵan 924 adam qatyssa, onyń 917-si - ózge etnos ókilderi.