Ár bala mektep bitirgende qazaq tilinde sóıleıtindeı jaǵdaı jasaýymyz kerek - Elbasy
«Elimizde 5 644 uıym balalardy memlekettik tilde oqytady. Shamamen 3,8 myń qazaq mektebi jumys istep tur. Buǵan qosa, orys tili memlekettik uıymdar men jergilikti ózin-ózi basqarý organdarynda qazaq tilimen qatar qoldanylatyn til bolyp qala beredi. Konstıtýtsııada solaı jazylǵan. «Rýhanı jańǵyrý» baǵdarlamasy aıasynda qazaq ádebıetiniń shyǵarmalary BUU-ǵa múshe elderdiń 6 tiline aýdaryldy. Biz muny alǵash ret qazaq ádebıeti men mádenıeti búkil álemde tanymal bolýy úshin jasadyq. Ǵylymnyń jetekshi salalaryndaǵy aldyńǵy qatarly eńbekterdi qazaq tiline aýdardyq. Bul jumys jalǵasyp ta jatyr. Bizdiń joǵary oqý oryndarymyz fızıka, hımııa jáne ózge de ǵylymdar boıynsha aǵylshyn tilindegi oqýlyqtar jaıynda alǵash ret bildi. Qazaq poezııasy antologııasynyń tusaýkeseri álemdik mádenıet astanalarynda ótkizildi», - dedi QR Tuńǵysh Prezıdenti.
Elbasy beıbitshilik, kelisim jáne birlik memlekettik saıasattyń basty basymdyǵy bolǵanyn jáne solaı bolyp ta qala beretindigin basa aıtty.
«Sondyqtan da dál osy qundylyqtardyń arqasynda biz damyp, elimizdi baıytamyz, adamdarymyz úshin jaqsy ómirge jaǵdaı jasaımyz. Bul etnosaralyq qozǵalys salasyndaǵy túbegeıli ustanym jáne ol ózgermeıdi. Assambleıa barlyq etnostardy bizdiń ortaq qazaqstandyq qundylyqtarymyzdyń tóńiregine toptastyrý úshin jumys isteýi kerek. Qazaq tiliniń biriktirýshi faktorǵa aınalýyna, elimizdiń halqynyń birligin munan ary da nyǵaıtýǵa áleýeti bar. Ol etnosaralyq qarym-qatynas tiline aınalýy úshin keńeń-kezeńimen aıasyn keńeıtip, ony oqıtyn adamdardyń sanyn arttyrý qajet», - dedi Nursultan Nazarbaev.
QR Tuńǵysh Prezıdentiniń dereginshe, elimizde qazaq tiline tegin oqytatyn 90 ortalyq jumys istep tur.
«Jumsartyp aıtqanda, olardyń tıimdiligine qatysty ádil saýaldar týyndaıdy. Sondyqtan Mádenıet jáne sport, Bilim jáne ǵylym mınıstrlikteri memlekettik tildi meńgerý júıesiniń tıimdiligin barynsha arttyrýy kerek. Biz árbir bala mektep bitirgennen keıin qazaq tilin meńgerip, oqı, jaza jáne sóıleı alatyndaı jaǵdaı jasaýymyz kerek. Bul olarǵa memlekettik qyzmettiń barlyq salasynda, ekonomıkada jáne basqa da qyzmette jumys isteýine múmkindik beredi», - dedi Elbasy.