Ár aı saıyn baıyrǵy halyqtardyń eki tili joıylady - BUU

NUR-SULTAN. QazAqparat – Halyqaralyq qaýymdastyq qansha kúsh salǵanymen, ár aıda baıyrǵy halyq ókilderi sóıleıtin eki til joıylyp jatyr. Olarmen birge bilim, salt pen dástúr qosa ketedi. Bul týraly BUU Bas assambleıasy 74-sessııasynyń Tóraǵasy Tıdjanı Muhammed-Bande málimdedi, dep habarlaıdy QazAqparat «BUU jańalyqtaryna» silteme jasap.

2019 jyl BUU uıǵarymymen Halyqaralyq baıyrǵy tilder jyly bolyp jarııalanǵan. Bas assambleıa keshe osy jyldyń qorytyndysyn jasady. Álemde baıyrǵy halyqtardyń 4 myńǵa jýyq tili bar. Keıbirinde birneshe adam ǵana sóıleıdi. Tıdjane Muhammed-Bande aldaǵy onjyldyqta kóptegen tilderdiń joıylyp ketýi múmkin ekenin aıtty.

«Ár eki aptada kem degende bir baıyrǵy ulttyń tili joǵalady. Aıyna – eki óli til», - dedi Tıdjanı Muhammed-Bande.

Tóraǵanyń aıtýynsha, qazirgi kúni baıyrǵy halyqtardyń tórt myńdaı tili ǵana saqtalǵan, olarda álem halqynyń 6%-y ǵana sóıleıdi.

Muhammed-Bande barlyq halyqaralyq uıymdardy tildi saqtaý sharalaryn kúsheıtýge shaqyrdy.