Aptap ystyqtan Aralda balyq qyrylyp jatyr

QYZYLORDA. QazAqparat - Kishi Aralǵa qatysty Kókaral bógetinde balyqtyń qyrylý faktisi tirkeldi. Bul jaǵdaı Orman sharýashylyǵy jáne janýarlar álemi komıteti ınspektorlarynyń tekserisi kezinde belgili boldy, dep habarlady QazAqparat tilshisi.

Búgingi kúnde balyqtardyń ne sebepti qyrylǵany belgisiz bolyp otyr. Oblysta arnaıy qurylǵan komıssııa oqıǵanyń neden bolǵanyn anyqtaýǵa kiristi. Onyń quramyna ekologııa, tótenshe jaǵdaılar men veterınarııa qyzmetiniń mamandary tartyldy.

«Oqıǵanyń sebep-saldaryn ázirge naqty aıtýǵa erterek. Aldyn-ala málimetterge súıensek, balyqtyń qyrylýyna Qyzylorda oblysynda kúnniń shamadan tys ysýy men Kókaral bógetinde sýdy teńizge aǵyzyp jiberý sebep bolýy múmkin. Alaıda onyń naqty sebebi ázir aıqyn emes», - deıdi mamandar.