Aptap ystyqta Shardaranyń keı shaǵyn aýdandary aýyz sýsyz qaldy

<p>TÚRKІSTAN. KAZINFORM &ndash; Shardara qalasy turǵyndaryn ortalyqtandyrylǵan aýyz sýmen qamtamasyz etip otyrǵan bas sý toraby men sý aıdaǵysh nasostarda jáne sý jınaqtaǵyshtarda jóndeý jumystary júrgizilýine baılanysty keıbir shaǵyn aýdandarda aýyz sý berý toqtatyldy.</p>

Áleýmettik jelide Shardara aýdanynyń keı bóliginde aýyz sýdyń toqtap qalǵany jaıynda aqparat tarap jatyr. Máselen, Dáýren Abdramanov esimdi qoǵam belsendisi sýdyń bir aptadan beri bolmaǵanyn jazdy.

«Shardara qalasynda ákimdik, ákim, memlekettik qyzmetker degender bar ma ózi? Aptadan asty, aýyz sý kóp jerde joq» - delingen avtordyń jazbasynda.

Al aýdandyq turǵyn úı kommýnaldyq sharýashylyǵy, jolaýshylar kóligi jáne avtomobıl joldary bólimi tarapynan berilgen jaýapta aýyz sýdyń jóndeý jumystary júrgizilýine baılanysty toqtatylǵany aıtylǵan.

«Shardara qalasy turǵyndaryn ortalyqtandyrylǵan aýyz sýmen qamtamasyz etip otyrǵan bas sý toraby men vodozaborda sý aıdaǵysh nasostary men sý jınaqtaǵysh rezervýarlaryna jóndeý jumystary júrgizilýine baılanysty keıbir shaǵyn aýdandarda aýyz sý toqtatylyp jatyr. Aldaǵy ýaqytta jóndeý jumystary tolyǵymen aıaqtalǵan soń aýyz sý turaqty beriletin bolady. Bolyp jatqan jaǵdaılarǵa baılanysty sabyrlyq saqtaýlaryńyzdy suraımyz!» - delingen ákimdikke qarasty bólim tarapynan jazylǵan aqparatta.