Aptanyń sońyna deıin ardagerler birjolǵy járdemaqylaryn tolyq alatyn bolady - G. Ábdihalyqova

áýirdiń 26-sy. QazAqparat /Qanat Mámetqazyuly/ - Aptanyń sońyna deıin ardagerler Elbasynyń Joldaýynda qarastyrylǵan birjolǵy járdemaqylaryn alatyn bolady. Bul týraly búgin Qazaqstan Respýblıkasy Eńbek jáne halyqty áleýmettik qorǵaý mınıstri Gúlshara Ábdihalyqova málim etti,

dep habarlaıdy QazAqparat.

Qazaqstan Respýblıkasy Prezıdentiniń 2010 jylǵy qańtardyń 29-yndaǵy Joldaýyna sáıkes Uly Otan soǵysyndaǵy Jeńistiń 65-jyldyǵyn merekeleý týraly Úkimettiń qaýlysy qabyldanǵan bolatyn.

«Memleket basshysynyń Joldaýyna oraı, soǵys múgedekteri men qatysýshylaryna - 65 myń teńge, soǵys múgedekteri men qatysýshylaryna teńestirilgen adamdarǵa, soǵys ýaqytynda qaza tapqan áskerı qyzmetshilerdiń ata-analaryna, jubaılaryna, qaıtys bolǵan soǵys múgedekteriniń jáne solarǵa teńestirilgen múgedekterdiń jubaılaryna - 25 myń teńge, tyl eńbekkerlerine - 10 myń teńge mólsherinde birjolǵy materıaldyq kómek kórsetý qarastyrylǵan. Úkimettiń qaýlysy boıynsha 4,2 mıllıard teńge barlyq oblystarǵa, Astana men Almaty qalalaryna bólindi. Apta sońyna deıin ardagerler birjolǵy járdemaqylaryn tolyq alatyn bolady», dedi G. Ábdihalyqova.

Onyń aıtýynsha, búgingi kúni atalǵan qarajattyń 60 paıyzy ardagerlerdiń derbes shotyna aýdarylǵan.