Aptanyń eki kúninde «Nur Otan» partııasynda bir laýazym ıesi BAQ suraqtaryna jaýap beredi - B.Ýálı
«Elbasy, «Nur Otan» partııasynyń Tóraǵasy Nursultan Nazarbaev álemdegi damyǵan otyz eldiń qataryna qosylý úshin bes ınstıtýttyq reformany aıqyndap bergeni belgili. Osy reformalardy kezeń-kezeńimen iske asyrý arqyly, Qazaqstan búgingideı jahandyq kúrdeli ekonomıkalyq ahýaldyń elimizge tıgizer áseri meılinshe jumsarta otyryp, ózindik damý jolyn qalyptastyrýdy kózdeıdi. Memleket basshysy jýyrda ǵana jarııa etken «Ult jospary - qazaqstandyq armanǵa bastaıtyn jol» atty maqalasyn memlekettilikti nyǵaıtýǵa baǵyttalǵan jol kartasy ispetti dep aıtýǵa bolady. Bul maqala - bes ınstıtýttyq reformany praktıkalyq turǵyda júzege asyrý mehanızmderin aıqyndap berdi»,-deıdi B.Ýálı.
Bul rette, Prezıdent «Nur Otan» partııasyna bes ınstıtýttyq reformanyń aıasynda «Júz naqty qadam» - ult josparyn keńinen nasıhattaýdy tapsyrǵan edi. Berik Ýálı habarlaǵandaı, endi aptanyń ár seısenbisi men beısenbisinde «Nur Otan» partııasynyń baspasóz ortalyǵynda úkimet músheleriniń bireýi, depýtattar men ózge de laýazymdy tulǵalar BAQ ókilderiniń suraqtaryna jaýap beredi jáne sol arqyly Elbasynyń jýyrdaǵy maqalasyn nasıhattaýǵa úles qosady.
«Baǵdarlamalyq qujattyń negizgi ózegi de sol - árbir qazaqstandyqtyń ál- aýqatyn jaqsartý, onyń quqyǵy men bostandyǵyn saqtaý. «Nur Otan» partııasynyń Tóraǵasy elimizdegi negizgi saıası kúsh «Nur Otanǵa» bes reformanyń aıasynda júz naqty qadam - ult josparyn keńinen nasıhattaýdy tapsyrǵan bolatyn. Sondyqtan, «Nur Otan» partııasynyń ortalyq apparatyndaǵy baspasóz ortalyǵynda aptanyń ár seısenbisi men beısenbisinde (Úkimet músheleri, depýtattar, ózge de laýazym ıeleri - agenttik) laýzymdy tulǵalar kelip, BAQ suraqtaryna jaýap beretin bolady»,-dep habarlady óz pikirin aıta kele B.Ýálı.