Apta sońynda elordada aýa raıy jaýyn-shashyndy bolady

ASTANA. 31 qazan. QazAqparat - Osy aptada aýa raıy qubylmaly bolady. Jyly kúnder jańbyrly, sýyq kúndermen almasady. Jumys aptasynyń sońynda kún jaýyn-shashyndy, túnde aýa temperatýrasy -2+4°C, kúndiz +1+12°C bolady. Bul týraly «Qazgıdromet» RMK silteme jasap astana.kz habarlady.

«Beısenbi kúni Astanada kóshpeli bult shyǵady, aldaǵy kúnderi jańbyr jaýady. Ońtústik-batystan, batystan 5-10 m/s jyldamdyqpen jel soǵady, ekpini 15-18 m/s jetedi. Túnde aýa temperatýrasy +2+4°C, kúndiz +10+12°C bolady», - dep habarlady astana.kz.

Apta sońynda (juma kúni) kún bultty, jaýyn-shashyndy bolady. Batystan, ońtústik-batystan 9-14 m/s jel soǵady, ekpini 15-20 m/s jetedi. Túnde aýa temperatýrasy 0+2°C, kúndiz +7+9°C bolady.

Sınoptıkterdiń boljamynsha, senbi kúni kún bultty, jaýyn-shashyndy bolady. Batystan 7-12 m/s jel soǵady, ekpini 15 m/s jetedi. Túnde aýa temperatýrasy 0-2°C, kúndiz +1+3°C bolady.