Apta ishinde elimizde 3 329 qylmys jasaldy
«Bir apta ishinde 3 329 qylmys jasaldy. Onyń 2069 táýlik ishinde ashyldy. Polıtsııa qyzmetkerleri «izin sýytpaı» 3 kisi óltirýdi, 5 ólimge ákep soqqan densaýlyqqa qasaqana aýyr zııan keltirýdi, 1 qaraqshylyq, 44 tonaý jáne 466 bóten múlikti urlaý qylmystaryn ashty», - dedi ol mınıstrliktiń baspasóz qyzmeti alańynda ótken brıfıngte.
Sonymen qatar, ol Іshki ister mınıstri Marat Ahmetjanovtyń tapsyrmasymen Tergeý departamentiniń basshylyǵy, Áskerı-tergeý basqarmasy jáne onyń óńirlik bólimsheleri Qarýly Kúshterdiń, Ulttyq ulannyń jáne Shekara qyzmetiniń barlyq bólimderindegi jeke quramdy quqyqtyq habardar etý, sondaı-aq táýelsiz psıhologtardy tarta otyryp, áskerıler arasyndaǵy qaıǵyly jaǵdaı men óz-ózine qol jumsaý faktilerine jol bermeý boıynsha aldyn alý jumysyn júrgizip jatqanyna toqtaldy.
«Qazirgi ýaqytta atalǵan is-shara elimizdiń barlyq óńirinde júzden astam áskerı bólimshelerdi qamtydy. Bul rette merzimdi qyzmettegi áskerı qyzmetshilerden óz áriptesterin qurmetteý, komandırlerdiń zańdy buıryqtary men ókimderin oryndaý, sondaı-aq áskerı jarǵylardyń talaptaryn múltiksiz saqtaý talap etiledi. Komandırler tarapynan zańsyz is-áreketter oryn alǵan jaǵdaıda bul týraly dereý áskerı polıtsııa nemese ІІM áskerı-tergeý organdaryna habarlaý usynylady», - dedi Shuǵyla Turlybek.