Apple tórtinshi toqsannyń qarjylyq esebin jarııalady

<p>ASTANA. KAZINFORM &ndash; Apple kompanııasy beısenbi kúni 28 qyrkúıekte aıaqtalǵan qarjylyq jyldyń tórtinshi toqsanynyń nátıjesin jarııalady. Kompanııanyń kirisi 6 paıyzǵa artyp, 94,9 mıllıard dollarǵa jetken. Bul ótken jylmen salystyrǵanda áldeqaıda kóp. Bul týraly&nbsp;<a href="https://russian.news.cn/20241101/dc6933c071c74b2b96709bf9f485bdfb/c.html" target="_blank" rel="noopener">Sınhýa</a> agenttigi jazdy.&nbsp;</p>

Kompanııanyń toqsan saıynǵy taza paıdasy bir jyl burynǵy 22,96 mıllıard dollardan 14,74 mıllıard dollarǵa deıin tómendegeni aıtyldy. 

Toqsanda aktsııaǵa shaqqandaǵy taratylǵan paıda bir jyl burynǵy 1,46 dollarmen salystyrǵanda $0,97 qurady.

iPhone satylymy bir jyl buryn 43,81 mıllıard dollar kiris kirgizse, bıylǵy satylymnan túsken kiris 46,22 mıllıard dollarǵa jetken. Mac satylymy 7,61 mıllıard dollardan 7,74 mıllıard dollarǵa deıin, al qyzmetterden túsken tabys 22,31 mıllıard dollardan 24,97 mıllıard dollarǵa deıin ósken. 

Qarjylyq esep boıynsha Apple kompanııasynyń Úlken Qytaı aımaǵyndaǵy taza satylymy bir jyl burynǵy 15,08 mıllıard dollardan 15,03 mıllıard dollarǵa deıin tómendep ketken.

«Búgin Apple tórtinshi toqsandaǵy jańa rekordtyq kórsetkishti jarııalady. Tabysy 94,9 mıllıard dollarǵa jetip oltyr. Bul byltyrǵy kórsetkishpen salystyrǵanda 6 paıyzǵa kóp. Osy toqsanda biz tutynýshylarǵa eń úzdik ónimderimizdi usynamyz. Olar: jańa iPhone 16 jelisi, Apple Watch Series 10, AirPods 4 jáne estý densaýlyǵy men uıqy apnoeyn anyqtaýǵa arnalǵan qyzyqty múmkindikter», - dedi bas dırektor Tım Kýk. 

Eske sala keteıik, buǵan deıin Apple kompanııasy Telegram men WhatsApp qosymshasyn Qytaıdyń App Store dúkeninen alyp tastaǵanyn jazǵan bolatynbyz.