Apple Samsung-ty basyp ozyp, álemniń smartfon naryǵynda úzdik atandy
22:23, 18 Qańtar 2024
<p>ASTANA. KAZINFORM — Apple 2023 jyly álemdik naryqta Samsung smartfondarynan oza shaýyp, úzdik dep tanylyp otyr.</p>
Kóshbasshylar bestigine qytaılyq Xiaomi, Oppo jáne Transsion kirdi.
International Data Corporation (IDC) zertteý tobynyń málimetinshe, buǵan deıin Samsung 2010 jyldan beri smartfon naryǵyna aldyńǵy oryndardy ıelenip kelgen.
IDC aldyn ala esebine súıensek, ótken jyly Apple 234,5 mıllıon qurylǵyny jóneltip, kompanııanyń naryqtaǵy úlesi 20,1% quraǵan.
Al Samsung 226,6 mıllıonǵa (19,4%) jetkizgen.
Álemdik kóshbasshylar arasynda úshinshi orynda 145,9 mln smartfon jetkizip, naryqtaǵy úlesi 12,5% bolǵan qytaılyq Xiaomi tur.
Budan bólek, úzdik bestikke Oppo (103,1 mıllıon) jáne Transsion (94,9 mıllıon) kirdi.